ការដាក់វិន័យបែបវិជ្ជមាន

សំណួរ&ចម្លើយជុំវិញ ការដាក់វិន័យបែបវិជ្ជមាន អ្វីទៅដែលហៅថា ការដាក់វិន័យបែបវិជ្ជមាន? ការដាក់វិន័យបែបវិជ្ជមាន គឺជាវិធីសាស្រ្តបង្រៀនអំពីឥរិយាបថសមស្រប តាមរយៈទំនាក់ទំនង ជាមួយនឹងកុមារបែបសមរម្យ ប៉ុន្តែម៉ឺងម៉ាត់ចំពោះពួកគេ។ វិធីសាស្រ្តបែបនេះជួយលើកកម្ពស់សិទ្ធិ របស់កុមារ ដោយពួកគេទទួលបានការការពារពីអំពើហិង្សា និងការដាក់វិន័យដែលគោរពសេចក្តី ថ្លៃថ្នូររបស់ពួកគេ។ ដើម្បីអនុវត្តវិន័យបែបវិជ្ជមាននៅតាមសាលារៀន ក្រសួងអប់រំ យុវជន និងកីឡា និងយូនីសេហ្វ ដោយមានការគាំទ្រពីទីភ្នាក់ងារអភិវឌ្ឍន៍អន្តរជាតិស៊ុយអែត (SIDA), ក្រុមហ៊ុន Primark និង ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្ដរជាតិ (USAID) បានចាប់ផ្តើមអនុវត្តកម្មវិធី បណ្តុះបណ្តាល ដើម្បីបង្កើនការយល់ដឹងដល់គ្រូ និងនាយកសាលានៅកម្ពុជា អំពីផលប៉ះពាល់ អវិជ្ជមាន ដែលកើតចេញពីអំពើហិង្សាលើកុមារ។ ដូច្នេះ នៅពេលដែលកុមារណាម្នាក់មានឥរិយាបថ មិនសមរម្យក្នុងពេលសិក្សា ជំនួសឲ្យការប្រើប្រាស់អំពើហិង្សា គ្រូបង្រៀនអនុវត្តបច្ចេកទេសដាក់ វិន័យបែបវិជ្ជមាន ជាផ្នែកមួយនៃការគ្រប់គ្រងថ្នាក់រៀនរបស់ពួកគេ។ ការប្រើប្រាស់វិធីសាស្រ្ត បែបនេះ មានគោលដៅរក្សាទំនាក់ទំនងជាវិជ្ជមាន និងបើកចំហរវាងគ្រូ និងសិស្ស។ នៅក្នុងវគ្គ បណ្តុះបណ្តាលនេះ គ្រូក៏រៀនចេះពីបច្ចេកទេសគ្រប់គ្រងកំហឹង ដើម្បីជួយឲ្យពួកគាត់កាន់តែអាច គ្រប់គ្រងឥរិយាបថមិនសមស្របក្នុងថ្នាក់រៀនកាន់តែប្រសើរជាងមុនផងដែរ។   ឧទាហរណ៍ ក្នុងសាលាបឋមសិក្សាពាមរក៍ក្នុងខេត្តព្រៃវែង គ្រូនឹងចេញកាតលឿង និងកាតក្រហម…