យុទ្ធនាការ “គ្រួសាររឹងមាំ”ដើម្បីបញ្ចប់អំពើហិង្សាលើកុមារ និងការបំបែកកុមារចេញពីគ្រួសារដោយមិនចាំបាច់នៅកម្ពុជា

រាជធានីភ្នំពេញ ថ្ងៃពុធ ទី១៩ ខែកុម្ភៈ ឆ្នាំ២០២០– នៅថ្ងៃនេះ ក្រសួងសង្គមកិច្ច អតីតយុទ្ធជន និង​យុវនីតិ សម្បទា បានប្រកាសបើកយុទ្ធនាការ “គ្រួសាររឹងមាំ” ដើម្បីបញ្ចប់អំពើហិង្សាលើកុមារ និងការបំបែក​កុមារចេញ ពីគ្រួសារដោយមិនចាំបាច់នៅកម្ពុជា ជាយុទ្ធនា​ការ​ផ្សព្វផ្សាយថ្នាក់ជាតិលើកជាលើកដំបូង។​​ នេះគឺជា​ព្រឹត្តិការណ៍ដ៏សំខាន់ ​ដែលរៀបចំឡើង​ដោយ​មានការគាំទ្រពីមូលនិធិសហប្រជាជាតិដើម្បីកុមារ (យូនីសេហ្វ) និងមានការ ចូលរួមពីក្រសួង ស្ថាប័ន និងអង្គការដៃគូ ដែលមានគោលដៅរួមគ្នាក្នុងការលុបបំបាត់ អំពើហិង្សាលើ​កុមារ។ យុទ្ធនាការនេះជាការបោះជំហានទៅមុខដ៏វិជ្ជមានមួយផ្សេងទៀតក្នុងកិច្ចខិតខំប្រឹងប្រែងរបស់កម្ពុជា​ដើម្បី បញ្ចប់រាល់​ទម្រង់នៃ​អំពើហិង្សាលើកុមារ និងការបំបែកកុមារចេញពីគ្រួសារដោយមិនចាំបាច់។ យុទ្ធនាការ គ្រួសាររឹងមាំ មានគោលបំណងដោះស្រាយនូវបញ្ហាសង្គម​ និង​វប្បធម៌​ ដែល​ធ្វើឱ្យមាន​អំពើហិង្សា លើកុមារនិងធ្វើឱ្យមានជំនឿថា មណ្ឌលថែទាំជាទីកន្លែងដែលផ្តល់អត្ថប្រយោជន៍ជាច្រើនដល់កុមារ។​ អំពើហិង្សាគឺជាកង្វល់ដ៏ធំមួយ​ ដែលមានកុមារជាងពាក់កណ្តាលនៅក្នុងប្រទេស ​ធ្លាប់ទទួលរង​អំពើហិង្សាយ៉ាង​ហោច​​​ណាស់​...